De Samichlaus chond…
…am 01. Dezember am Obig am 5i weder id Beueler Chele. Aschlüssend begleitid mer Ehn is Schuelhuus ufe, wo’s feine Punsch ond Kafi ged.
De Samichlaus werd am 5. ond 6. Dezember weder d‘ Beueler ond Geltwiler Chend bsueche. Wenn au Sie wetted, dass de Samichlaus Ehri Chend bsuecht, denn föllid Sie s‘ Formular eifach bis am 24. November 2024 us.
De Termin wird bis am 01. Dezember telefonisch bestätigt.
För de Samichlaus-Bsuech tüend mer kei feschte Betrag asetze. Mer send allerdengs of en freiwelligi Schpänd vo Ehne agwese, damet eusi Omchöschte deckt send.
I dringende Fäll
Es cha jo mol vorcho, dass mer no öppis vergässe hed z säge oder z froge. Denn cha mer ahlüüte und es wird denn an Samichlaus wiitergleitet.